தேடினேன் உன்னை!!!

உன்னை காண நேர்ந்தது
             சில சந்தர்ப்பங்களில்
எனை உன் வசம்
           இழுத்தாய் அத்தருணங்களில்
                    - தேடினேன் உன்னை

அந்த வாய்ப்பு
           பிறகு ஏற்படவில்லை
இருந்தும் நீ என்
         மனத்தை விட்டு நீங்கவில்லை
                      - தேடினேன் உன்னை


உன்னை எனக்கு
           முழுதும் தெரியாது
இருந்தும் என்னுள்ளம்
             உன்னை பிரியாது
                     - தேடினேன் உன்னை

யாவரையும் கவரும்
            உனது இளமை
மனத்தில் நிறையுமே
          அதன் இனிமை
உணர்விற்கு இதமளிக்கும்
           உன் மென்மை
                   - தேடினேன் உன்னை


உன்னை மறுபடி காண
          நினைத்தது மனம்
உன்னை தேடி
       அலைகிறேன் முதல் அக்கணம்

                    - தேடினேன் உன்னை

உன்னால்
        கவியாய் ஆனவாரோ பலர்
உன் மேல்
       பைத்தியமானவரும் உளர்
                   - தேடுகிறேன் உன்னை


வளர்ந்த இடத்தில்
                நீ இல்லை
பிறந்த இடத்தில்
              உன் சுவடு இல்லை
கிடைப்பாய் என்றே
         தோன்றவில்லை
இருந்தும் உன்னை
      விட மனமில்லை

              -  தேடுகிறேன் உன்னை

அகப்பட
     மாட்டாயோ ஒரு தினம்
உன்னை நாடி
     துடிக்குது என் மனம்

தேடினேன் உன்னை
தேடுகிறேன் உன்னை
நீயோ என்
     கண்ணில் படவில்லை
இப்போதும் என்
     மனம் தளர்வதில்லை

தேடுவேன் உன்னை
என் செந்தமிழே!!!

 
-நா.சரவணன்